إليك يـــا بـــــحر

يا بحر مالك تعبنى وبموجك العالى غلبنى


أنا اللى فيك رميت حمولى وحلمت معاك أحلامى


وعلى صوت هديرك يا بحر نمت والنوم غلبنى


حلمت فى بحار من وسط المية نادالى


مدلى ايديه وراح وسط القارب واخدنى


وقالى انتى دنيتى وعشقى . معاكى بحقق آمالى


بصيت لعنيه لقيت بحر من الحنااااااااان أسرنى


كلمنى وقال أحلى كلام وبهمس صوته فتنى


همستله .. أنا مش قدك وأخاف لفى يوم تنسانى


ابتسم وقالى ......... أنسى عمرى أنسى روحى اللى بحبه عذبنى


أنسى اللى دورت عليه سنين وحبه دوبنى


وخدنى بحضنه الدافى نسانى آلامى


وبطيبة قلبه هز مهجتى .هز كيانى زلزلنى


عشقتك يا بحر وانت اللى تملى تسحرنى


انت وحدك مااااا بين بحووور وبحووور علية غالى


وانت اللى أتمنى تفضل تعبنى


وبموجه الحلو العالى يغلبنى


يا بحر فى وسط ميتك عمرى يحلالى


وظلم الدنيا لية معادش بيعذبنى


خدنى فى حضنك يا بحر وبموجك العالى اغلبنى